Andi Lila iu bashkua sot skuadrës së Tiranës. Futbollisti i Kombëtares, u prezantua para sfidës ndaj Teutës, në praninë e tifozëve të shumtë bardheblu. Në prononcimin e tij para sfidës me durrsakët Lila u shpreh i lumtur për rikthimin në shtëpi, teksa nuk mungoi dhe një batutë për presidentin Gjici.
“Jam shumë i emocionuar. Shumë i gëzuar sepse kthehem në shtëpi. Është fundi i karrierës, shpresoj të bëjmë diçka të madhe, të dalim aty ku Tirana e meriton. Jam shumë i emocionuar që do prezantohem me skuadrën ku bëra hapin e madh”.
Mendon se ekipi ka stofin e duhur për kampion?
Që të dalësh kampion duhen shumë komponentë bashkë. Kampionati është i fortë. Duhet që lojtarët, stafi, tifozët, të jenë të gjithë bashkë, që Tirana të dalë aty ku e meriton të dalë. Nëse Tirana do shkëlqejë edhe median do e ketë me vete.
Kur do të jesh gati për të zbritur në fushë? Për deklaratën e Safet Gjicit. Ke një përgjigje?
Kalova një dëmtim jo të lehtë. Nuk jam në formën time maksimale. Do përpiqem të vij në nivelet më të mira. Gjici e tregoi veten çfarë xhentëlmeni është. Nuk duhet të merrem fare më të. Gjithmonë kur shihja Gjicin, më kujtohet shprehja e Enco Ferratit: “I dyti është i pari i humbsave’. Edhe ai i dyti është gjithmonë”, u shpreh Lila për “Supersport”.
