Dekani i Fakultetit në Elbasan, Albert Riska, është lënë i lirë pasi vuan nga diabeti. Ndaj edhe trupa mbrojtëse kërkoi zëvendësimin e masës së sigurisë. Dekani i Fakultetit të Shkencave-Humane, Albert Riska, u arrestua pak ditë më parë për korrupsion pasiv, e ndërsa gjykata e Elbasanit zëvendësoi dje masën e sigurisë për Riskën, nga “arrest me burg”, në “arrest shtëpie”.
Kjo masë është ndërmarrë pas pretendimeve të dekanit, i cili ankohej për gjendjen e tij shëndetësore. Në datën 9 maj, në kuadër të operacionit “Dekani”, u arrestua Riska bashkë me Elvira Lumin, Shefen e Departamentit të Gazetarisë, pedagogen Erjola Calja, dhe 4 sekserë, pasi akuzohen se bashkëpunim me njeri-tjetrin në kohë të ndryshme, kanë kërkuar dhe ushtruar ndikim të paligjshëm dhe kanë luajtur rolin e sekserit dhe pedagogut në Universitetin “Aleksandër Xhuvani” Elbasan, për marrjen e notave kaluese nga studentët.
