Ish-kryeministri Sali Berisha në një intervistë ekskluzive për Ora News ka treguar arsyet se përse nuk e ka pranuar ligjin e arsimit të lartë, kur ishte në qeveri.
PD punoi dy vite me këtë ligj. Ky është sistemi anglez i arsimit të lartë. Unë në atë kohë mora këshilltar njeriun më kompetent, Sir Tomson, që ishte ish-këshilltar Margaret Thatcher dhe këshilltar i BB për arsimin. U njoha me ligjin në çdo qelizë. Arrita në përfundim se ai ligj në mënyrë absolute nuk mund të aplikohet për Shqipërinë, sepse ai krahasonte të pakrahasueshmen. Krahasonte fermerët e varfër të Shqipërisë me zengjinët e Britanisë së Madhe. Prandaj hoqa dorë. Pata presione të jashtëzakonshme të arsimit privat, dhe lëshova ligjin. Sa humbëm në zgjidhje shkoi valixhja me pare në kryeministri. Valixhet prej universiteteve private. Dhe Edi Rama aktin e parë që bëri kaloi një ligj, që çfarë bëri? Këto universitete private që unë i përkrahja, unë nuk isha kundër tyre nuk mund ti shtetëzoja dhe ti barazoja me Universitetet publike. Nuk mundet kurrë që ti favorizoja më shumë se publiket, sepse detyrimi i qeverisë është Universiteti publik dhe arsimi publik për shqiptarët.
