Partizani ka kaluar në raudin e dytë të Ligës së Konferencës, pasi ka fituar edhe ndeshjen e dytë në Moldavi ndaj Sfintul, me rezultatin 2-3. Të kuqtë, drejtuar nga Ilir Daja triumfuan duke arritur një sukses me përmbysje.
Partizani e nisi keq ndeshjen. Në fakt ishte arbitri që u tregua zemërgjerë me moldavët, duke akorduar një penallti të paqenë për vendasit, që e kthejnë në gol.
Megjithatë, Cara barazoi në minutën e 15-të. Moldavët nuk u dorëzuan dhe kaluan sërish në avantazh. Kësaj here goli u dhurua nga kapiteni Alban Hoxha, pasi portieri nuk e zotëroi si duhet topin dhe Sfintul shënoi.
Por edhe Partizani shfrytëzon një gabim të mbrojtjes vendase dhe Junior nuk fal për 2-2 në minutën e 42-të. Në pjesën e dytë Partizani ishte zot i fushës, duke qarkulluar topin, dhe u shpërblye me golin e Junior. Partizani do të ndeshet me Bazelin e Zvicrës në turin tjetër.
