Lideri i opozitës ruse Alexei Navalny ka dalë nga spitali i Berlinit, ku po merrte ndihmën e nevojshme mjeksore.
Spitali “Charite” ku kritiku i Putinit po merrte ndihmën mjeksore ka lajmëruar se ai është përmirësuar dhe nuk ka më nevojë për trajtim në spital.
“Bazuar në përparimin e pacientit dhe gjendjen aktuale, mjekët besojnë se ai është shëruar plotësisht. Sidoqoftë, është shumë herët për të vlerësuar efektet e mundshme afatgjata të helmimit të rëndë të tij”, ka thënë një mjeke.
Gjithashtu, Nevalny ka postuar nje foto ku ka treguar se tani është më mirë dhe ka falenderuar mjekët për ndihmën që i kanë dhënë, shkruan BBC.
Alexei Navalny, u dërgua në Berlin për mjekim në spitalin Charite dy ditë pasi u sëmur gjatë një udhëtimi, më 20 gusht.
Nga testet e bëra u zbulua se ai ishte helmuar me agjentin nervor Novichok. Ekipi i tij pretendon se ai është helmuar me urdhër të presidentit Putin, por Kremlini e ka mohuar të jetë i përfshirë.
