Interi është rikthyer tek fitorja pas gati dy muajsh dhe ky është një sinjal i mirë për të besuarit e Spallettit, pasi mund ta kenë lënë pas krahëve krizën. Problemi tek zikaltërit ka qenë psikologjik, kanë në grup lojtarë të rinj dhe kanë nevojë që të udhëhiqen nga një lider.
“Spalletti nuk është ndryshe nga ajo që tregon nga jashtë. Kështu është me të gjithë, një njeri impulsiv, gjaknxehtë. Na ka përmirësuar. Një skuadër si Inter ka nevojë për një njeri me karakter të fortë dhe të veçantë”, ka thënë Valero.
Borja Valero beson se ai është lideri i Interit jashtë fushës së lojës. “Unë kam kaluar nëpër periudha më të këqija se kjo”, ka thënë Valero për ANSA. Ai thotë se dëshiron të jetë protagonist në fushën e lojës edhe pse mendon se është lider jashtë saj. “Mendoj se jam lider jashtë fushës, dhe natyrisht që dua të jem protagonist në fushën e lojës, jam futbollist jo politikan”, shtoi ai.
