Operacioni i koduar “Parkingu”, ka vënë në pranga tre persona, ndërsa është shpallur në kërkim një tjetër.
Një sasi prej 20 kg lëndë narkotike e llojit Cannabis Sattiva është sekuestruar gjatë kontrollit të ushtruar nga efektivat e policisë së Librazhdit .
Të arrestuarit:
-Albert Terziu, 30 vjeç, banues në Durrës
Arrestimi i tij u bë pasi, gjatë kontrollit të ushtruar nga efektivat e policisë në bagazhin e mjetit tip “Renault”, me targa AA648JO të parkuar pranë parkingut të spitalit të Librazhdit, u gjet dhe u sekuestrua një sasi lënde narkotike e mbështjellë me ngjitës natribani, e dyshuar “Cannabis Sattiva”
-Xhimi Hoxha, 35 vjeç, banues në Durrës
Ky shtetas dyshohet të ketë drejtuar automjetin me targë AA 648 JO, i cili në pjesën e poshtme të tapicerisë në dysheme ishte modifikuar dhe përshtatur për fshehjen e lëndës narkotike
-Sokol Hamataj, 37 vjeç, banues në Durrës
Ky shtetas, duke drejtuar automjetin me targë AA 449 JG, dyshohet të ketë shoqëruar automjetin në të cilin ndodhej lënda narkotike, nga qyteti i Durrësit në drejtim të Librazhdit.
Gjithashtu, u bë shpallja në kërkim dhe po punohet për kapjen e shtetasit:
A.L., 45 vjeç, banues në Durrës
Grupi hetimor sekuestroi në cilësinë e provës materiale:
20 kg lëndë narkotike e dyshuar “Cannabis Sattiva”, si dhe 3 automjete.
Policia nuk sqaron se për ku ishte destinacioni i lëndës narkotike.
Materialet i kaluan Prokurorisë së Rrethit Gjyqësor Elbasan për veprime të mëtejshme, për veprën penale “Prodhimi dhe shitja e narkotikëve”.
