Robert Lewandowski nuk është aspak i lumtur tek Bayern Munich, ndryshimi i agjentin ishte sinjali i parë që bomberi polak do të kërkonte largimin. Por kjo gjë nuk është pritur aspak mirë nga drejtuesit bavarez të cilët i kanë treguar sulmuesit se nëse nuk vjen një ofertë 200 milionë euro nuk ka negocim. “Nëse agjenti yt nuk vjen me një ofertë prej 200 milionë eurosh nuk i hapim as telefonin”. Është ky mesazhi i Bayernit sipas Bild për Lewandowskin dhe agjentin e tij.
Koncepti për futbollistin dhe Pini Zahawi-n është i qartë. Pavarësisht kontratës deri në vitin 2021 raporti me sulmuesin është i destinuar për të përfunduar. Në ndjekje të tij prej kohësh është Reali i Madridit që është i gatshëm të paguajë deri në 120 milionë euro, por edhe Juventusi që kërkon pasuesin e Higuain, si dhe Manchester United, Chelsea dhe PSG mund të futen në garë për 29-vjeçarin polak.
Sipas mediave spanjolle është pikërisht Reali destinacioni i preferuar nga lojtari që i ka dhënë agjentit të tij mandatin për të negociuar me Florentino Perez. Kërkesa e Bayernit është e qartë dhe mbi të gjitha duket se lë pak hapësirë për manovra. Në Bavari që prej 2014-ës, në sezonin e fundit shënoi 41 gola në 48 prezenca totale në të gjitha kompeticionet me një mesatare prej 1 goli çdo 92 minuta.
