Prokurorja e Përgjithshme Arta Marku ka bërë lëvizjen e radhës, teksa ka emëruar këshilltar në kabinetin e saj prokurorin Besnik Cani.
Ky i fundit ka qenë më herët drejtues në Prokurorinë e Shkodrës, ndërsa së fundmi ka ushtruar funksionin e tij në Prokurorinë e Tiranës.
Kujtojmë se lëvizja e parë e Markut ishte heqja e prokurores së dekriminalizimit, teksa më 29 dhjetor ajo shkarkoi nga detyra Rovena Gashin.
Po ashtu, kryeprokurorja Marku firmosi vendimin për caktimin e prokurorit Dritan Rreshka në pozicionin e përkohshëm të Drejtuesit të Prokurorisë së Rrethit Gjyqësor Tiranë.
Ndërkohë, drejtuesi i deritanishëm i Prokurorisë së Tiranës, Petrit Fusha, i cili do të vijojë komandimin si prokuror sektori, i ngarkuar për çështje të veçanta, pranë Prokurorisë së kryeqytetit.
Pak pas ardhjes në detyre, Prokurorja e Përgjithshme ka komanduar në pozicionin e Drejtorit të Kabinetit, Alketa Zifla, e cila ushtronte funksionet e prokurorit pranë Prokurorisë së Rrethit Gjyqësor, Tiranë.
