Në kujtim të veprës së tij, për krijimin e shtetit shqiptar dhe mbrojtjen e pavarësisë, bëhet e njohur për publikun, letra që Mbreti Zog, më 9 prill 1939, i dërgoi nga Florina e Greqisë, Sekretarit të Përgjithshëm të Lidhjes së Kombeve, z. Joseph Avenol, për të protestuar kundër agresionit italian, mosnjohjen e pushtimit të Shqipërisë si dhe kthimin në gjendjen e mëparshme.
Gjatë atyre ditëve, një grup mëkatarësh i dorëzuan kurorën shqiptare Viktor Emanuelit, ndërsa Vërlaci lajmëroi Lidhjen e Kombeve për daljen e Shqipërisë nga ajo shoqëri, dhe bashkimin e vendit tonë me Italinë fashiste.
