Shefi i kuzhinës Renato Mekolli, përflitet për sjelljen e tij në emisionin ‘Hell’s Kitchen’, ku shfaqet duke thyer pjatat, pasi i tillë është edhe formati. Ai ka sjellë në kujtesë një situatë ku është përballur me hajdutët e maskuar, në një bankë në Greqi. I ftuar në rubrikën “Për Çaj në BE Coffee”, pjesë e emisionit “E diela shqiptare”, shefi i kuzhinës ka treguar një histori të frikshme. I ndodhur në një bankë në Greqi, ai është përballur me hajdutët e maskuar, të cilët nën kërcënimin e armës vodhën kasafortën. E para gjë që i erdhi ndërmend ishte të fshihte lekët, në një vend jo të zakonshëm.
“Është vërtetë dhe është shumë e frikshme, mos ju ndodhtë. Kam qenë në bankë, dhe u futën dy veta të maskuar, dhe të gjithë ne që prisnim u frikësuam dhe zbritëm poshtë karriges. Njëri nxori pistoletën dhe pasi u ula poshtë, gjëja e parë që më erdhi ishte të fusja lekët në brekë”, tha Mekolli.
