Mbrëmjen e djeshme, në portin e Durrësit ka pasur një seri arrestimesh në radhët e punonjësve, pasi këta të fundit kanë lejuar kalimin e një kamioni me drogë, rast ky që ndodhur 2 herë.
Kështu, rasti i parë ka ndodhur më 5 shkurt të këtij viti, kur në Itali u kap një kamion me 8 tonë drogë, e cila kishte hyrë në Shqipëri nga Maqedonia, nëpërmjet pikës doganore Qafë-Thanë, dhe ka dalë nga pika e kalimit kufitar në portin e Durrësit.
Para pak javësh, për këtë rast ranë në pranga edhe 4 punonjës policie në Qafë-Thanë.
Ndërsa rasti i dytë ka ndodhur më 24 mars të këtij viti, pasi u kap në Itali një kamion me një shofer shqiptar, me rreth 2.2 tonë kanabis.
Këto dy raste krijuan dyshime për përfshirjen e zyrtarëve policorë dhe doganorë në trafikun e lëndëve narkotike, duke bërë që të zhvillohet një operacion blic.
Sipas Prokurorisë së Krimeve të Rënda, ekziston një formë e organizuar bashkëpunimi mes punonjësve të policisë kufitare, të doganës dhe të agjentëve doganorë, për të realizuar kalimin e automjeteve kamion të mbushur me lëndë narkotike nga Shqipëria në Itali.
Gjykata ka caktuar masën e sigurisë “arrest me burg” për shtetasit:
Ymer Blloshmi, doganier, përgjegjës turni, Qafë-Thanë
Iliras Malja, doganier pranimi/verifikimi, Qafë-Thanë
Maliq Kadilli, agjent doganor, Qafë-Thanë
Kastriot Topulli, agjent doganor, Qafë-Thanë
Gëzim Dervishi, specialist në Policinë e Portit Durrës
Mexhit Xhixha, specialist, struktura anti-drogë, Policia e Portit Durrës
Roland Metani, specialist, struktura anti-drogë, Policia e Portit Durrës
Agron Kapllani, specialist, struktura anti-drogë, Policia e Portit Durrës
Gentian Selmani, specialist, struktura anti-drogë, Policia e Portit Durrës
Medi Demiri, kontrollor, Policia e Portit, Durrës
Fatmir Plaku, kontrollor, Policia e Portit, Durrës
Julian Doraci, Shef i Stacionit Policor, Porti Durrës
Edmond Luzi, doganier eksporti, Porti Durrës
Ylli Vogli, doganier peshore, Dogana Vorë (Tiranë)
Vladimir Ziu, doganier regjimi, Dogana Vorë (Tiranë)
Erald Kulla, agjent doganor, Dogana Vorë (Tiranë)
Behar Sula, kontrollor hyrje-dalje, Policia e Portit, Durrës
Nezir Bardhoshi, kontrollor hyrje-dalje, Policia e Portit, Durrës
