Ish-trajneri i kombëtares shqiptare, Gianni De Biasi u bë protagonist në rrjetet sociale pasi ishte i ftuar si analist në ndeshjen miqësore Angli-Itali. 61-vjeçari ishte komentator në sfidën e djeshme së bashku me Alberto Rimedion në televizionin italian RAI.
Në momentin që kolegu i tij njoftoi për kalimin në spotet publicitare, De Biasit i shpëtoi një gromësimë që nuk kaloi pa u vënë re. Menjëherë ky moment u shpërnda në rrjetet sociale, ku nuk munguan komentet e shumta.
“Në fund vjen gjëja më e bukur e pjesës së parë, gromësija e De Biazit”, shkruan në mënyrë ironike një komentues. “Gromësima e De Biazit justifikohet sepse ka ngrënë qepë dhe ka pirë birrë Peroni familjare”, shkruan një tjetër.
