Karma ekziston apo jo? Shumë mendojnë kështu duke qenë se për ata nëse në jetë bën keq, në një moment ajo e keqe do të kthehet si boomerang.
Kështu e ka nisur shkrimin e saj e përditshmja spanjolle Marca e cila ka folur për dy futbollistët e Interit, Mauro Icardi dhe Lautaro Martinez.
Në këtë moment Icardi ndodhet në Milano duke u stërvitur pas rikthimit në skuadër ndërsa Lautaro Martinez ndodhet i grumbulluar me skuadrën e tij kombëtare dhe sapo ka shënuar golin e tij të parë me Albicelestet.
Marca ka bërë një krahasim të rëndë në drejtim të marrëdhënies së Icardit dhe Lautaros, edhe pse ai është një krahasim vetëm figurativ.
Ja çfarë shkruan Marca tekstualisht: “Ashtu si tek Interi, edhe tek Argjentina, Lautaro Martinez i ka zënë vendin Icardit. Ai është një nga notat më pozitive të skuadrës së Scalonit që vazhdon të ketë të njëjtat probleme prej vitesh tashmë.
Venezuela mundi Argjentinën 3-1 edhe pse në fushë ishte më i miri në botë, Lionel Messi.
Por le të rikthehemi tek Lautaro: nëse kishte një futbollist në fushë që dha edhe shpirtin dhe u mundua të përfitonte nga kjo mundësi, ai i ishte Lautaro që ka luajtur dhe ka shënuar një gol mjaft të bukur.
Ai në mungesë të Icardit e ka zëvendësuar atë. Në minutat e para vuajti jo pak, por më pas fitoi pozitë në fushë. Pati edhe disa raste, por portieri venezuelian ishte i mrekullueshëm. Në pjesën e dytë, ai zhvilloi një ndeshje të mirë gjithashtu.
Në këtë moment mund të themi se Lautaro Martinez ka bërë me Icardin të njëjtën gjë që Icardi bëri me Maxi Lopez.
Ishte pikërisht Mauro ai që e priti në shtëpinë e tij në Milano i pari Lautaro Martinez që fillimisht i zuri vendin tek Interi dhe më pas tek Argjentina.
Natyrisht që krahasimi qëndron vetëm në mënyre figurative, sepse më shumë se sa një tradhti e Lautaros ndaj Icardit, e gjithë çështja e post-shiritit ka qenë një tradhti që Icardi ka bërë ndaj vetes. Le të jemi të qartë te kjo pjesë.”
Por çfarë mendon Lautaro Martinez për të gjithë këtë histori? Ai ka folur në një intervistë vetëm përpara disa ditësh direkt nga grumbullimi i kombëtares duke thënë:
“Çfarë mendoj unë për të gjithë këtë situatë? Është diçka aspak e bukur, as për atë e as për ne që jemi pjesë e grupit. Por nuk mund të bëjmë shumë, vendimin duhet ta marrin personat që punojnë me të dhe që ai i ka rreth tij.”
“Ne jemi njerez qe bejme te njejten pune si ai, jemi ne dispozicion te klubit, te Interit. Ajo qe ndodh rreth tij duhet ta zgjidhe vetem Icardi dhe personat qe e perfaqesojne ata.”
“Jam shume i lumtur per te tashmen. Kam arritur te luaj ne derbin tim te pare te Milanos dhe kam shenuar nje gol e me pas kam fituar. Ka qene me te vertete nje gezim i pafundem, fantastik.”
“E dini qe nuk me ka qene gjumit naten? Sa shume lumturi. Cfare ka ndryshuar pa Icardin? Minutat e lojes, por gjithesesi une kerkoj vazhdimisht te permiresohem cdo dite.”
“Procesi i pershtatjes me futbollin europian zgjat disa muaj dhe varet edhe nga tipi i lojtareve. Me siguri qe tani ndihem nje futbollist me i kompletuar qe ka mesuar nje futboll te ndryshem.”
Pse rrogat rriten në letra, por varfëria rritet në realitet?
