Një situatë aspak e këndshme ka ndodhur në grumbullimin e Interit, ku protagonist ka qenë sulmuesi Antonio Candreva. Sezoni që lamë pas ishte një dështim për të, edhe pse ishte një titullar fiks ai nuk arriti të shënonte asnjë gol, gjë që nuk ndodhte prej shumë vitesh tek Interi.
Candreva duket se është duke vuajtur mungesën e golit dhe zërat për një largim të mundshëm të tij nga Milano, pasi flitet shumë që Interi është duke kërkuar një sulmues krahu. Ai ka bërë një gjest të turpshëm ndaj një lojtari të ri të Interit, 18-vjeçarit Xian Emers, duke e qëlluar me shpullë pas një dueli mes tyre dhe që topi përfundon jashtë.
Diçka e tillë nervozoi Candrevën, dhe shkoi për ta qëlluar me duar. Gjithçka ndodhi në sytë e Spalletit, ndërsa klubi zikaltër ende nuk ka marrë një vendim për këtë situatë të krijuar.
