Largimi i pashmangshëm, nëna e Ronaldos: Zgjedh Manchesterin

E ardhmja e Cristiano Ronaldos është tema e ditës në Madrid, por jo vetëm. Klube t mëdha janë vënë në lëvizje për të përfituar nga zhgënjimi i yllit portugez ndaj presidentit Perez për ta pasur në gjirin e tyre. Spekulimet janë shtuar më shumë së fundmi, ku nëna e Ronaldos, Dolores Aveiro në një intervistë për “SFR Sport” ka lëshuar disa deklarata të forta.Ajo u shpreh se djalin e saj, pesë herë fitues i “Topit të Artë” do të dëshironte që ta shihte në Manchester dhe jo në Paris. “Unë e dua Parisin. Vij në këtë qytet kohë pas kohe. Hera e fundit ishte kur djali im fitoi “Topin e Artë” të fundit. U ndjeva shumë krenare. Çdo herë që vij në Francë, të gjithë më trajtojnë shumë mirë”, iu përgjigj ajo një pyetje mbi Kryeqytetin francez, Parisin. “Nëse ju them të vërtetën, nuk do të më pëlqente, por do të preferoja që ai të kthehej në Manchester”.Kjo intervistë shton tymnajën e krijuar pas deklaratave të Cristiano Ronaldos në fund të finales së Ligës së Kampionëve, në të cilën ai tha se “kishte qenë shumë mirë për të luajtur me Real Madridin”, duke lënë të kuptohet se diçka do të ndryshojë në ditët e ardhshme.Por çfarë pritet të ndodhë?
Real Madrid padyshim që do të përpiqet të bëjë të pamundurën për ta mbajtur në ekip yllin portugez, pavarësisht se ai duket i vendosur për ta lënë Madridin. Kjo situatë ka ardhur si pasojë e një premtimi që nuk është mbajtur nga presidenti Perez mbi roinovimin e kontratës. PSG është ekipi i parë që ka kontaktuar m,e Ronaldon dhe i kanë ofruar një rrogë të njëjtë me atë që merr Messi aktualisht, pra rreth 45 milionë euro neto. Edhe kjo lëvizje duket disi e vështirë, pasi parisienët duhet të shesin disa lojtarë që të arrijnë tek Ronaldo.Nga ana tjetër është Manchester United, dëshira e Murinhos është shprehur qartë edhe më parë ku është shprehur se do të dëshironte të kishte në ekip Ronaldon, por asokohe ishte e pamundur. Ndërsa tani situata është krejt ndryshe, pasi edhe Ronaldo e dëshiron një rikthim tek “Djalli”, ku u shpall kampion Evrope për herë të parë dhe rrëmbeu “Topin e Artë”.