Një zbulim që mund të shpëtojë miliona jetë është bërë së fundmi nga Universiteti i Teksasit.
Bëhet fjalë për një pajisje që mund të identifikojë indet kanceroze në dhjetë sekonda. Sipas shkencëtarëve, lapsi është i saktë në 96% të rasteve. Kjo pajisje mund të ndihmojë heqjen e tumorëve më shpejtë, në mënyrë më të sigurt e më saktë.
Gjithçka duhet të ndodhë është që lapsi të prekë një ind që dyshohet të jetë kanceroz dhe lëshon një sasi të vogël uji mbi të. Kimikatet që ndodhen brenda qelizave lëvizin drejt pikës së ujit, e cila thithet sërish nga lapsi për analiza. Lapsi më pas futet në një spektrometër masiv (një pajisje që mund të masë masën e mijëra kimikateve çdo sekondë). Spektrometri nxjerr në pah më pas nëse indi është kanceroz apo i shëndetshëm.
Vështirësia e këtij zbulimi është gjetja e kufirit mes indeve të shëndetshme dhe kanceroze. Në disa lloje tumoresh, kjo është e dukshme, por në disa lloje të tjerë vështirësia rritet.
Lapsi do t’u sigurojë doktorëve kirurgë që e kanë hequr gjithë masën e tumorit në rast operacioni dhe nuk kanë lënë gjë pas për t’u rishfaqur në një të ardhme të afërt.
Lapsi i cili u testua mbi 253 subjekte, është i pakushtueshëm, ndërsa spektrometri është i shtrenjtë dhe zë shumë hapësirë. Mjekët dhe studiuesit po përpiqen të zhvillojnë një spektrometër që është më i vogël dhe më i lirë.
Burimi nga: BBC
