Haxhi Robin Krasniqi është shpallur kampion për titullin EBU në divizionin e peshës së mesme (73 – 76 kg). Ronny Landaeta ishte kundërshtari i tij në këtë duel, ndaj të cilit e ka fituar duelin me pikë.
Boksieri me origjinë shqiptare por që ndeshet nën flamurin e Gjermanisë fitoi ndaj spanjollit, i cili kishte 16 fitore në po kaq ndeshje. Vendimi final i takoi trupës së 3 arbitrave që vendosën në favor të Krasniqit ( 120 – 107 ), ( 116 – 111 ), ( 116 – 110 ).
Përballja nisi furishëm për Krasniqin që e hodhi në tapet boksierin spanjoll dhe u mendua se do të ishte një ndeshje që do mbyllej me nokaut por arriti të mbledhë forcat dhe të duelojë deri në raundin e 12-të, por në fund gjyqtarët vendosën me vendim unanim për fitoren e 31-vjeçarit të lindur në Junik.
