Shampot kundër zbokthit përmbajnë përbërës kimikë, që në raste të veçanta mund të ndikojnë dëmshëm edhe në shëndetin tonë. Më poshtë gjeni disa maska që bëjnë të mundur në mënyrë natyrale, largimin e tij.
Vaji i ullirit
Përzieni dy lugë vaj ulliri me një lugë vaj bademi. Lehtë vendoseni në kokë, duke i bërë një masazh të lehtë, rrënjës së flokëve. E lini për nja 15 minuta, e më pas shpëlajini flokët. Po ashtu, mund të përgatisni një përbërës nga vaji i ullirit dhe rozmarina. Në një lugë vaj ulliri vendosni dhjetë pika vaj rozmarine.
Uthulla e mollës
Një tjetër mënyrë është që uthullën e mollës ta përzieni me ujë. Shpëlani flokët me këtë përzierje dhe lëreni të qëndrojë ashtu gjatë gjithë natës. Të nesërmen flokët i shpëlani me shampon përkatëse. Nëse keni një lëkurë më të ndjeshme, ju sugjerojmë që në gotën gjysmë litërshe të përzieni 1dl uthull molle.
Lëngu i limonit
Shtrydheni limonin, dy lugë nga lëngu i fituar merrni dhe lyejini rrënjët e flokëve. Merreni një gotë me ujë, dhe shtoni aty lëng limoni, e më pas përsëri vendoseni në flokë. Pas disa minutash, shpëlajini flokët me ujë të vakët. Një trajtim si ky mund ta përsërisni disa herë brenda javës, në mënyrë që rezultatet të jenë maksimale, apo derisa zbokthin ta zhdukni njëherë e përgjithmonë.
