Lajm i mirë për bizneset të cilëve iu duhen dokumete në përditshmërinë e tyre.Tashmë janë plot 26 dokumente të cilat mund të tërhiqen on-line dhe pas asnjë burokraci. Dokumentet mund të tërhiqen online nga portali e-albania me vulë digjitale.
Nga 26 dokumente që mund të tërhiqen onlinë, 9 prej tyre i përkasin Drejtorisë së Përgjithshme të Tatimeve. Tatimet njoftojnë se bizneset tani mund të kursejnë kohë, duke u regjistruar në portalin qeveritar e-albania.al.
“Edhe nëse paraqiteni pranë sporteleve shtetërore, nuk jeni të detyruar të keni me vete këto dokumente pasi ato mund të merren direkt nga punonjësit e institucioneve shtetërore”-shkruan Monitor.al
Dokumentet e parashtruara më lart të cilat biznesi mund t’i marrë online janë:
- Vërtetim për pagimin e kontributeve nga subjekti
- Vërtetim për përgjegjësitë tatimore
- Vërtetim për pagimin e kontributeve për individin
- Vërtetim për regjistrim të investitorit
- Vërtetim për pagim detyrimesh
- Vërtetim statusi (aktiv, pasiv përfshirë datën)
- Vërtetim xhiro për 3 vitet e fundit
- Dhënie e informacionit koordinativ për çdo pasuri të paluajtshme;
- Lëshim vërtetimesh (negativ/pozitiv).
Ndërsa të gjithë dokumentet elektronike që individët dhe bizneset mund të printojnë me vulë në e-albania janë:
– Vërtetim pensioni
– Karta e shëndetit
-Dhënie e informacionit koordinativ për çdo pasuri të paluajtshme
-Informacion zyrtar i pasurisë për individët dhe institucionet
-Konsultim i kartelës së pasurisë së paluajtshme
-Lëshim kopje kartele të pasurisë
-Lëshim kopje të fragmentit të hartës kadastrale
-Lëshim vërtetim pronësie
-Lëshim vërtetimesh (negativ/pozitiv)
-Verifikimi online i gjendjes juridike të pronësisë dhe të dhënave të tjera të pasurisë së paluajtshme
-Kopje te vërtetuara të dokumenteve tekniko-ligjore, në të cilat bazohet Regjistri i Pasurive të Paluajtshme / faqe
-Certifikatë familjare
-Certifikatë personale
-Certifikatë nga akti i vdekjes
-Certifikatë nga akti i martesës
-Certifikatë nga akti i lindjes
-Konfirmim për gjendjen aktive të mjetit
-Autorizim për rifitimin e lejes së drejtimit
-Vërtetim për lejen e drejtimit
-Vërtetim për pagimin e kontributeve nga subjekti
-Vërtetim për përgjegjësitë tatimore
-Vërtetim për pagimin e kontributeve për individin
-Vërtetim për regjistrim të investitorit
-Vërtetim për pagim detyrimesh
-Vërtetim statusi (aktiv, pasiv përfshirë datën)
-Vërtetim xhiro për 3 vitet e fundit
