Sikundër ishte lajmëruar edhe më herët, në Bularat kanë mbërritur shtetasit e parë grekë, të cilët do të marrin pjesë në ceremoninë e varrimit të Kostandinos Kacifas. Burimet bëjnë me dije se që në orët e para të ditës, kanë mbërritur dy autobusë nga Athina, për të marrë pjesë në varrimin e 35-vjeçarit.
Përcjellja drejt banesës së fundit të 35-vjeçarit, do të bëhet sot në orën 13:00, në fshatin Bularat.
Mediat greke kanë raportuar se më shumë se 2000 shtetas grekë pritet të mblidhen në fshatin Bularat.
Në Pikën Kufitare të Kakavijës po punohet me dy sportele. Pritet të ketë rritje të numrit të tyre, në rast se do ketë fluks.
