Fondacioni “Fundjavë Ndryshe” në fillim të vitit 2019 do të ketë selinë e tij në Prishtinë. Ky është njoftimi më i fundit që ka bërë më anë të një shënimi në “Facebook” Arbër Hajdari.
“Jam shumë i lumtur të njoftoj se, fillimi i vitit 2019 do të gjejë Fundjavë Ndryshe në Kosovë me Seli në Prishtinë. ?? ?? Zoti i bekoftë të gjithë shqiptarët!”, shkruan Hajdari.
Tashmë edhe shqiptarët e Kosovës do kenë mundësi të mbështen tek fryma e solidaritetit, mirësisë dhe ndihmës që ofron “Fundjavë Ndryshe”, për të gjithë të pamundurit.
Ky fondacion prej më shumë se dy vitesh u ka ardhur në ndihmë shqiptarëve në nevojë. Puna e këtij fondacioni u ka kthyer shpresën shumë e shumë familjeve. Ndihma e dhënë i ka kthyer lotët e trishtimit në lot gëzimi. Bashkëpunimi me shqiptarët brenda dhe jashtë vendit ka bërë që shumë bashkëkombas të jetojnë një jetë normale. Nismat e “Fundjavë Ndryshe”, kanë gëzuar shumë zemra nënash, baballarësh, të moshuarish dhe fëmijësh.
Nën moton “Bamirësia nuk të varfëron”, “Fundjavë Ndryshe” tashmë do jetë edhe pranë shqiptarëve të Kosovës.
