Me zyrtarizimin e marrëveshjes Rama-Basha, Partia Demokratike ka vendosur të mbyllë “çadrën e lirisë”.
Pas 3 muajve proteste që mbajti para kryeministrisë, me kërkesën për të marrë garanci për zgjedhje të lira dhe të ndershme, opozita po shpërngulet nga çadra dhe do të nisë fushatën nëpër qytete.
Nuk dihet nëse fjalimi i orës 22:00 në çadrën e protestës, në ditën e 90-të të saj do të jetë i fundit që bëri Lulzim Basha, por fill pas fjalës së tij, protestuesit e kanë shoqëruar drejt selisë së Partisë Demokratike.
Të gjithë kanë hyrë në selinë blu dhe nuk dihet me saktësi se çfarë po ndodh. Dëgjohen zhurma e duartrokitje. “E duam Shqipërinë si gjithë Evropa”, bërtasin ata.
Kreu i qeverisë dhe lideri demokrat për arritjen e marrëveshjen u takuan dje te kryesia e Kuvendit për gati 3 orë dhe ditën e sotme te Pallati i Kongreseve përreth 5 orë.
