Kryetari i Kuvendit, Ilir Meta, po mbledh firmat e deputetëve për t’u paraqitur si kandidatura kryesore për Presidentin e vendit.
Sipas burimeve kofindenciale për “Tirana Today”, Meta është duke “blerë” edhe deputetë nga radhët e Partisë Socialiste për të siguruar votat e mjaftueshme për t’u zgjedhur në krye të shtetit.
Kjo lëvizje e kreut të LSI-së vjen në situatën e rënduar politike dhe kur janë djegur tre raundet e zgjedhjes së presidentit.
Pas deklaratës së kreut të grupit parlamentar, Gramoz Ruçi, në Kuvend, i cili iu drejtua kryetarit LSI-së, Ilir Meta, se qeveria i ka votat e saj për të zgjedhur presidentin e vendit, Meta ka vendosur që të kandidojë për postin e presidentit, duke u vënë në mbledhje të firmave të deputetëve që do ta mbështesin, por edhe të trafikojë vota nga radhët e Partisë Socialiste.
