Një ngjarje e rëndë ka tronditur Durrësin mëngjesin e sotëm në fshatin Xhafzotaj të Durrësit, ku ka ndodhur një krim brenda familjes.
Mësohet se djali ka vrarë nënën dhe të atin e tij me armë të llojit “çifte”, ndërsa mësohet se autori ka probleme mendore.
Krimi ka ndodhur në familjen Nika, ndërsa autori mësohet se është Leo Nika.
Ky i fundit është arrestuar nga policia, si dhe mësohet se ka qenë i dehur në momentin e arrestimit. Nika është dërguar për t’u pyetur në Policinë e Durrësit, ndërsa viktimat janë A.Nika, 75 vjeç dhe J.Nika.
Njoftimi i policisë:
Më datë 29.06.2017, rreth orës 07:55, në Xhafzotaj, pranë derës së banesës janë gjetur të vrarë me armë zjarri, shtetasit A. N. rreth 75 vjeç dhe bashkëshortja e tij, shtetësia J.N.
Me të marrë njoftim menjëherë në vendngjarje kanë shkuar Efektivet e Policisë, të cilët kanë bërë të mundur identifikimin dhe kapjen e autorit të dyshuar.
Dyshohet se autor është djali i tyre, shtetasi L.N. I cili po pyetet rreth rrethanave të ngjarjes, në sqarimin e plotë të saj.
