Kukësi vazhdon me ecurinë pozitive, pasi ka mposhtur në “Elbasan Arena”, Luftëtarin me rezultatin e ngushtë 1-0. Ka mjaftuar vetëm një gol i shënuar nga Reginaldo në pjesën e dytë për ti dhënë tre pikët e radhës verilindorëve, ndërsa nga ana tjetër gjirokastritët kanë marrë humbjen e parë nën drejtimin e trajnerit Mezani. Në sfidën tjetër Laçi ka fituar në frymën e fundit kundër Kamzës me golin e Shtubinën.
Verilindorët e Armando Cengut nuk janë ndalur as kësaj radhës dhe me këtë fitore kanë marrë kreun e tabelës së klasifikimit 13 pikë. Nënkampionët e Shqipërisë kaluan në avantazh në pjesën e dytë nga pika e bardhë e penalltisë, ku sulmuesi mozambikas, Reginalgo e ekzekutoi në mënyrë perfekte. Nga ana tjetër, bluzinjtë, pas fitores javën e kaluar kundër Teutës janë rikthyer përsëri në “habitatin” e vjetër.
Në përballjen që u zhvilluar në stadiumin “Fuat Toptani” kamzalinjtë e Klodian Duros janë mundur në minutat e fundit të kohës shtesë me golin e realizuar nga Shtubina. Me këto tre pikë në transfetë, Laçi është kuoton 10 pikë, ndërsa Kamza me 6 pikë dhe ndodhen në vendin e gjashtë.
