Nipi i ish-diktatorit Enver Hoxha ka refuzuar të japë dëshminë e tij para Gjykatës së Krimeve të Rënda. Ermal Hoxha kërkonte të përfaqësohej nga avokati i tij, ndërsa nga ana tjetër informonte trupin gjykues se nuk jepte pëlqimin për të dhënë dëshminë e tij.
Prova e parë, që kishte vendosur të merrte Gjykata e Krimeve të Rënda, ishte dëshmia e të pandehurit Hoxha, ndërsa pas tij do të pyeteshin dy kolumbianët, Walther Moren Moreno dhe Cesar Avila.
Këta të fundit ende nuk janë shprehur, nëse do të dëshmojnë apo jo. Seanca e sotme u shty për mungesë të avokatëve.
Nëntë të pandehurit e dosjes “Xibraka”, akuzohen për trafik narkotikësh e mbetur në tentativë.
