Pak ditë më parë u zbulua një laborator droge në Has, i cilësuar si “Xibraka 2”. Droga kishte si destinacion Gjermaninë, ndërsa operacioni në Has vijoi me operacione dhe ndërhyrje të tjera në Shijak dhe jo vetëm.
Dy biznesmenë turq janë arrestuar pasi akuzohen për prodhim dhe shitje nakotikësh, trafikim narkotikësh dhe grup i strukturuar kriminal.
Pas arrestimit të grupit të Avdylajve në Shijak, u mësua se ky grup ishte porositësi i kokainës ku i përfshirë ishte edhe Lul Berisha me nipat e ish-deputetit socialist Ndoka.
Një mesazh publikuar nga ish-kryeministri Berisha ngre dyshime, teksa thuhet se pas zbulimit të laboratorit të drogës, shefi i komisariatit në Has është arratisur në Londër.
Policia është shprehur se vijon me hetimet për kapjen e trafikantëve të tjerë që lidhen me rastin e laboratorit në Has.
