Partia Social Demokrate e drejtuar nga Tom Doshi, arriti të fitonte 3 mandate në zgjedhjet parlamentare të 25 prillit.
Tom Doshi fitoi i vetëm dy mandate, pasi kryesonte listën në qarkun e Shkodrës dhe atë të Tiranës. Ndërkohë, në Shkodër PSD mori edhe një mandat tjetër për legjislaturën e ardhshëm të Kuvendit.
Por, pak pas zgjedhjeve, Doshi bëri një deklaratë të papritur, teksa dha dorëheqjen nga drejtimi i partisë dhe la mandatet e fituara prej tij.
Tashmë, në vendin e tij, ai ka futur dy emra të rinj, të cilët janë Meri Markiçi në Shkodër dhe Gertjan Deda në Tiranë, të cilët do ulen në karrigen e parlamentit të ri, falë ikjës së Doshit. Deputet i PSD u zgjodh edhe Gledis Çeliku, nr.2 i listës së PSD-së në Shkodër.
Pas dhënies së dorëheqjes, Doshi u shpreh në një prononcim të shkurtër për mediat, se PSD do të ishte e gatshme të hyntë në koalicion me kryeministrin Edi Rama, por jo me kryedemorkatin Lulzim Basha.
Megjithatë, Rama nuk do të ketë nevojë për Doshin, pasi arriti të sigurojë 74 mandate, çka i mundëson qeverisjen i vetëm në 4 vitet e ardhshme.
