Komisioni i Vëzhguesve Vendor (KVV) doli me raportin e parë gjashtë orë pas fillimit të procesit zgjedhor.
Sipas këtij raporti, procesi zgjedhor deri në këtë orë është cenuar nga disa incidente.
Kryetarja e KVV-së Gerta Metaj veçoi në raportim konflikte që kanë degjeneruar deri në dhunë fizike dhe që janë konsumuar pranë QV-ve në Patos, Vlorë, Gjirokastër, Lezhë e Kavajë.
Gjithashtu ndër problematikat e paraqitura në këtë raport të parë, ishin edhe hapja me vonesë e QV-vë, sidomos në Tiranë dhe Durrës, ku tha se vetëm 78 % e tyre u hapën në kohën e përcaktuar në ligj.
