Kuvendi miratoi sot, në seancë të jashtëzakonshme, ngritjen e dy komisioneve Ad Hoc.
Tre partitë e mazhorancës, PS, LSI dhe PDIU, paraqitën sot emrat e kandidatëve për komisionet e Vettingut me 12 dhe 6 anëtarë, që u votuan në seancën e pasdites në Kuvend.
Partia Socialiste ka propozuar për në komisionin me 12 anëtarë, emrat e deputetëve: Ulsi Manja, Bashkim Fino, Pandeli Majko dhe Evis Kushi.
Ndërsa për komisionin me 6 anëtarë, PS ka propozuar: Vasilika Hysin dhe Ervin Bushatin. Lëvizja Socialiste për Integrim ka propozuar emrat e deputetëve: Luan Rama dhe Silva Caka, për komisionin me 12 anëtarë, dhe Vangjel Tavon për komisionin me 6 anëtarë.
Ndërsa PDIU ka propozuar emrat e Shpëtim Idrizit dhe Mesila Dodës për dy komisionet e Vettingut.
Pjesa tjetër e anëtarëve të dy komisioneve të Vettingut i takojnë opozitës parlamentare, për t’i propozuar.
Nga ana e Partisë Demokratike ende nuk është paraqitur asnjë emër.
