Vasilika Hysi foli pak më parë në Parlament lidhur me Reformën në Drejtësi.
Ajo akuzoi opozitën që sipas saj ishte betuar të zhbënte reformën në drejtësi si dhe Presidentin e Republikës që kthen ligjet e Reformës në Drejtësi që e donin të gjithë.
Vasilika Hysi:
“Kryetari i Kuvendit është shumë korrekt dhe ndjek procedurën. Opozita nuk ka votuar shumë ligje që kanë të bëjnë me reformën në drejtësi. Opozita betohej se do zhbënte reformën në drejtësi, atë reformë që e kanë kërkuar që të gjithë. Presidenti ka kthyer në bllok ligjet që kanë të bëjnë me reformën në drejtësi. Çdo projekt-ligj është konsultuar me grupet që shfaqin interes.
Kthimi i rishqyrtimeve të ligjeve, është i paargumentuar ligjërisht. Ne donim që të zhdukim çdo ndikim të politiikës mbi drejtësinë. Shumica parlamentare ka meritë që mbështet reformën në drejtësi, kemi mbështetur të gjitha strukturat për të përmbushur këtë reformë dhe që monitorojnë reformën. Unë besoj se parlamenti i ri do të mbështesë reformën në drejtësi, kaq të rëndësishme për të ardhmen e Shqipërisë. Duam që të kemi drejtësi profesionale dhe eficente. Të rrëzojmë dekretet e presidentit, që janë të paligjshme”
