Paramilitarët janë përdorur në çdo rast nga Serbia për kryerjen e masakrave më të mëdha në Kroaci, Bosnje dhe Kosovë. Më famëkeqët ishin Tigrat e Arkanit.
Emri i vërtetë i Arkanit ishte Zheljko Raznatovic. Lindi në Slloveni më 1952, ndërsa u arrestua që 14-vjeç për vjedhje. Rininë e kaloi nëpër burgje të ndryshme në Jugosllavi dhe Europën Perëndimore, ku ia doli të arratisej nga shumicën e rasteve. Pasi u rikthye në Serbi, Arkani u bë udhëheqës i ultrasve të ekipit të Crvena Zvezdës.
Shërbimi sekret serb, i kërkoi të themelonte në vjeshtën e 1990-ës njësinë e “operacioneve të errta” në Kroaci. Mbrojtja nga hetimi penal për aktivitetet e tij kriminale, ishin një tjetër stimul për Arkanin.
Në kulmin e vet, “Tigrat” përfshinin rreth 10.000 burra. Në vetëm një rast, milicët e Arkanit u përfshinë në vrasjen e 500 shqiptarëve të Kosovës.
Arkani u akuzua për krime lufte nga gjykata e Hagës. Por ai u ekzekutua në një hotel në mes të Beogradit në janarin e vitit 2000. Vrasësit nuk u indetifikuan asnjëherë.
