Një i ri shqiptar ka ndërruar jetë si pasojë e një aksidenti të rëndë në Itali. Ai është Lorent Farruku, dhe gjeti vdekjen 500 metra larg nga puna e tij.
I lindur në Durrës, por prej disa vitesh ishte transferuar Mozzecane, ku pak javë më parë kishte mbushur edhe 22 vjeç.
Ai ishte duke udhëtuar me një makinë ‘Renault’, kur ka humbur kontrollin e mjetit dhe ka përfunduar jashtë rruge. Nuk ka vonuar ndihma e shpejtë, por edhe pse është dërguar me urgjencë në reanimacion, ai ka humbur jetën 30 minuta më vonë.
Prej disa kohësh ai kishte jetuar me familjen e të fejuarës, Angela Meca edhe ajo shqiptare. Më pas kishte pasur kontakte me disa kushërinj të tij.
Prej disa javësh ai ishte transferuar me të fejuarën e tij në një shtëpi. Plane e projekte të mëdha mes dy të rinjve, por të prera në mes pabesisht nga aksidenti tragjik.
Lorent një vit më parë, nëpërmjet një agjencie të përkohshme, kishte filluar punën në Viagest në mirëmbajtjen e rrugëve. Kohët e fundit kontrata u rinovua: “Ishim shumë të kënaqur me të” – thotë Andrea, një nga drejtuesit.
“Një djalë i mirë, punëtor i madh Ai ishte i lumtur sepse pas disa muajsh që kishte qëndruan në shtëpi, ne kishim bërë një kontratë të re. Qëllimi ishte ta mbanim atë, e dërguam atë në ekipin e asfaltit, ai do të qëndronte me ne. Mëngjesin e 4 mait shokët e tij po e prisnin por ai nuk erdhi. Ata u njoftuan nga policia për aksidentin. Ishte lajm i tmerrshëm, të gjithë jemi vërtet të mërzitur “.
Vajtime edhe në fshat, në Mozzecane, ku Lorent ishte mirë integruar. “Ishte shumë i lidhur me vendin e tij të origjinës”, tregon një mikeshë ende e tronditur nga ajo që kishte ndodhur.
“Jetonte në të njëjtin pallat me mua, me familjen e të fejuarës, para se të transferohej në San Zeno. E shikoja shpesh. Përpara jetës së humbur të një të riu nuk mund të ketë shpjegime”– tha kryebashkiaku Piccinini.
