Një 54-vjeçari ka rënë në pranga nga policia e Lushnjës ditën e sotme, pasi ka goditur me thikë një 37-vjeçar. Ka qenë një konflikt i çastit mes të dyve ku Gimi Bodo ka qëlluar mbi 37 vjeçarin me iniciale A.B, me profesion berber.
“Specialistët për Hetimin e Krimeve në Komisariatin e Policisë Lushnje, arrestuan në flagrancë shtetasin: Gimi Bodo, 54 vjeç, banues në Lushnje. Arrestimi i këtij shtetasi u bë pasi në lagjen “Kongresi i Lushnjes”, për motive të dobëta ka goditur disa herë në trup me një mjet prerës (thikë) shtetasin A.B, 37 vjeç, banues në Lushnje”, thuhet në njoftimin zyrtarë të policisë.
Momentalisht A.B ndodhet në spitalin Lushnje nën kujdesin e mjekëve jashtë rrezikut për jetën. Në cilësinë e provës materiale u sekuestrua thika me të cilën autori ka qëlluar shtetasin A.B.
Nga ana tjetër materialet i kanë kaluar Prokurorisë pranë Gjykatës së Shkallës së Parë Lushnje për veprat penale “Vrasje me dashje e mbetur në tentativë” dhe “Prodhimi, mbajtja, blerja apo shitja pa leje e armëve të ftohta”.
