“Rama dha urdhrin për Konstandinos Kacifas”, ky është titulli me të cilin e hap shkrimin media greke “Prothema.gr”.
Që nga ngjarja e ndodhur në Bularta, kjo media ka shkruar me tone raciste dhe po nxit urrejtje mes shqiptarëve dhe grekeve.
Madje ky shkrim i publikuar sot nga a ana e saj mund të themi që i ka kaluar limitet.
Në paragrafin e parë të artikullit media greke shkruan:
“Nga zyra e kryeministrit shqiptar njoftohet se është dhënë urdhri për vrasjen e Kacifas. Tani është hapur një dosje kundër të vdekurit, të vrarë nga policia shqiptare. Ekzekutimi i Epirotit të Veriut Konstandinos Kacifas ka hedhur hijen mbi marrëdhëniet greko-shqiptare, të cilat janë në gjendje të tensionuar”.
Ndërsa media greke i mëshon faktit se reagimi i kryeministrit Edi Rama, pas ngjarjes e rëndoi shumë situatën.
“Sipas informatave të besueshme, urdhri u dha nga zyra e Kryeministrit. Forcat speciale të policisë shqiptare kurrë nuk do ta kryenin vrasjen, në qoftë se ata nuk do të kishin marrë komandën e vetë Edi Ramës. Forcat kishin rrethuar Vorio- Epirin dhe ata lehtësisht mund ka kishin arrestuar atë. Çdo gjë tregon se Edi Rama ka përdorur faktin se Kostandinos Kacifas ishin i armatosur dhe ka qëlluar forcat e policisë shqiptare”.
Sakaq, media greke shkruan se ata që kanë vrarë Kacifas, nuk kanë qenë forcat e RENEA, por policia./TIRANA TODAY/
