Një aksident me pasojë vdekjen e tre personave ka ndodhur gjatë natës në aksin rrugor Milot-Mamurras. Tre personat që po udhëtonin me një “Toyota” morën goditje fatale pasi mjeti ka rënë në një kanal përbri rrugës.
Teksa në njoftimin e Policisë fillimisht u konfirmuan vetëm dy viktima mëngjesin e ssotëm u raportua dhe për viktimën e tretë.
Njoftim nga Policia:
Kurbin/Informacion paraprak
Në aksin rrugor Milot-Mamurras, mjeti tip “Toyota” ka humbur kontrollin duke dalë nga rruga dhe ka rënë në kanal me ujë, ku për pasojë kanë humbur jetën shtetasit S.D.,45 vjeç, banues në Durrës dhe U.P.,39 vjeç, banues në Tiranë.
Grupi hetimor ndodhet në vendngjarje dhe vijon punën për sqarimin e plotë të shkakut dhe rrethanave të ngjarjes, si dhe shërbimet e Policisë vijojnë kontrollet përgjatë kanalit nëse në automjet ka pasur shtetas të tjerë.
