Të gjithë njohim dikë që ecën me taka më mirë se me atlete dhe që nuk i heq ato nga këmbët. Kështu, në nder të këtyre femrave që tregojnë gjithnjë elegancë, teksa i shohim gjithnjë majë takave, është zhvilluar një garë në Turqi, në qytetin e Antalya-s.
Në garën ndërkombëtare të titulluar “Runatolia”, pjesëmarrëset garuan me taka të larta, për tëparë se cila arrinte vendin e parë duke vrapuar.
Kjo ishte maratona e 13-të, ku morën pjesë 23 gra, ndërsa atyre iu bashkuan edhe bashkëshortët dhe fëmijët e tyre. Gratë vrapuan 100 metra me taka të larta të paktën 5 centimetra të gjata dhe 1.5 centimetra të gjera.
Vendi e parë e fitoi Ebru Polat, të dytin Semra Pekyilmaz, ndërsa vendin e tretë e mori Durdu Ekinci.
Çmimi për vendin e parë ishte 2.000 lira turke, 1.500 për të dytën dhe 1.000 lira për vendin e tretë.
