Çështja e Teatrit Kombëtar, një temë mjaft e nxehtë tashmë, ka qenë shpesh në qendër të vëmendjes.
Madje, para shumë vitesh aktorët më në zë shqiptarë e shihnin si “një ëndërr” që do të donin ta preknin, ndërsa kishte edhe nga ata që ishin skeptikë, si Ndrenika, që asokohe shprehej: “Do nja dhjetë vjet që të bëhej”.
Tirana Today sjell një video, ku aktorët shprehnin ëndrrën e tyre për një teatër të ri, ndërsa nga ana tjetër duket qartë arroganca e kryeministrit Edi Rama.
“Në një emision, u fol për lidhje të fshehta e komplote që po bëheshin. Në ndërtojmë një Teatër Kombëtar dinjitoz për artistët. Në rast se ne nuk na rezulton se i kemi mundësitë të ndërtojmë një teatër të ri me buxhetin e shtetit, atëherë do të zgjedhim, të bëjmë një teatër të ri? Se këtu nuk jemi mbledh a do ta shembim teatrin, jemi mbledhur nëse do të kemi teatër të ri apo jo. Ky diskutim na mbledh ne!”, shprehej ndër të tjera Rama, ashtu si sot, teksa anashkalon vetë aktorët.
