12 dhjetor 2015 ishte dita kur irlandezi Conor McGregor i shokoi të gjithë duke mundur të frikshmin kampionin absolut të asaj kohe brazilianin Jose Aldo në vetëm 13 sekonda. Nga 2005 e deri në vitin 2015 Jose Aldo ishte i pamposhtur me 18-të fitore radhazi dhe mbreti i divizionit pendël në Artet e Përziera Marciale. Gjithashtu edhe McGregor kishte rezultat pa humbje prej 14 fitoreve radhazi dhe ishte tejet aktiv atë kohë, e këtë nuk e vunë re shumica. Ndërsa Aldo kishte 1 vit që nuk kishte bërë ndeshje.
Pasi ishte caktuar data e duelit ndërmjet Aldos dhe McGregor me 11 korrik 2015 në UFC 189, Jose Aldo u lëndua dhe dueli u anulua. Ata u takuan 5 muaj më vonë në dhjetor të atij viti në mbrëmjen e UFC 194. Të gjithë e shihnin Aldon si favorit, pasi që kishte rripin e zi në Jiu Jitsu, goditjet më të forta, nivel i lartë në mundje, gjuajtjet me këmbë të tmerrshme dhe përbindësh për kundërshtarët, por ishte McGregor i cili që nga fillimi, posa u fut në federatën më të madhe të MMA në UFC, kishte ëndërr të takohej me brazilianin, e ishte i bindur se do ta lërë pa ndjenja ish-kampionin Jose Aldon. Por askush nuk e mori seriozisht.
Dhe ashtu ndodhi, ethet ishin në kulm emocione të pafundme, të gjithë prisnin një shembje të karrierës së irlandezit dhe përfundimin e tij atë mbrëmje. Por doli krejt ndryshe McGregor-it iu desh si thonte ai ‘vetëm prania e brazilianit në kafaz’, dhe pjesën tjetër do e kryente ai, duke vazhduar ‘ju kam treguar po duhet edhe t’iu bind, ju duhet ta shihni se un jam emblema e këtij sporti.’ Dhe ashtu u bë ai nokautoi brazilianin Jose Aldo brenda 13 sekondave, titulli me kohën më të shpejt i fituar ndonjëherë në UFC.
Pasi fitoi duelin Conor McGregor u shpreh: E di se u desh të shkëmbenim më shumë grushte dhe shkelma, e meritonte ta ketë një raund, por herët apo vonë e njëjta gjë do të ndodhte, un e di se Aldo ishte një kampion i mrekullueshëm dhe aftësitë e tija ishin shpejtësia e forca, por në fund të ditës, preciziteti mund fortësinë, dhe koha (kur ti godet) mund shpejtësinë, dhe kjo ndodhi, këtë e keni parë ju sonte,’ përfundon McGregor.
