Shqipëria U-19 e drejtuar nga Erjon Bogdani, nuk ka arritur të dalë me fitore nga finalja e trofeut “Roma Caput Mundi 2018”, në ndeshjen e luajtur sot në orën 10:30 në stadiumin Anco Marzio-Ostia (Romë). Të rinjtë e përfaqësueses kuqezi kanë zhvilluar një ndeshje të mirë përballë moshatarëve të tyre, por pa mundur të gjejnë golin e fitores, koha e rregullt përfundoi me rezultatin e barabartë 0-0.
Pas përfundimit të kohës së rregullt nuk ka pasur dy herë nga 15 minuta, por janë goditur menjëherë penalltitë, pasi të tilla janë rregullat e këtij turneu. Nga pika e bardhë e penalltisë kane qenë më të saktë rumunët, që e kanë mbyllur në 4-3. Nga pika e bardhë për Shqipërinë U-19, shënuan Pashaj, Blackori dhe Gkertsos. Të rinjtë e kombëtares luajtën me këtë formacion: Ismajlgeci, Isufi, Syla, Celhaka, Tuci, Gkertsos, Blackori, Lekaj, Marku, Veriu dhe Tafa .
Kjo ishte ecuria e Shqipërise në turneun e përvitshëm “Roma Caput Mundi 2018”, ku duhet vlerësuar paraqitja e ekipit dhe fryma në grup, ndonëse ishin shumë pranë trofeut dhe nuk mundëm të përsërsnim të njëjtin sukses, sikurse vitin e kaluar.
Shqipëri 5-1 Maltë
Shqipëri 2-0 Greqi
C.R Lazio 1-2 Shqipëri
Finalja e Turneut: Shqipëri 0-0 Rumani (3-4 penallti)
