Kuqezinjtë e Bogdanit mposhten nga Kazakistani, kaos mes arbitrave

Kuqezinjtë e Bogdanit janë mposhtur në testin e dytë përballë Kazakistanit që u zhvillua në “Roza Haxhiu” me rezultatin minimal 0-1. Goli është pësuar në minutën e 95’ të ndeshjes, pasi u mendua që gjithçka do të mbyllej në barazim. Ky moment është mjaft i diskutueshëm, pasi edhe arbitrat nuk ishin në të njëjtin mendim.

Anësori në atë moment akordon pozicion jashtë loje, ndërsa për kryesorin ishte gol i rregullt. Në këtë ndeshje, trajneri Bogdani bëri disa ndryshime në formacion, duke i dhënë më shumë mundësi lojtarëve që nuk u aktivizuan në ndeshjen e parë.