Kupa e Shqipërisë
Për herë të 69-të Shqipëria luan finale e Kupës në futboll. Sot në orën 19:00, në “Air Albania” të Tiranës do të vihen përballë dy qytete me traditë në futbollin shqiptar; Vllaznia-Skënderbeu.
Të përbashkëta
Vllaznia dhe Skënderbeu janë ekipe shumë të ngjashme mes tyre për disa faktorë. E para është që Vllaznia është ekipi më i vjetër në Shqipëri ndërsa Korçarët janë kampionët e parë zyrtarë të vendit tonë. Të dyja ekipet pretendojnë gjenezën e futbollit shqiptar dhe krenohen me historinë. Fakt tjetër i ngjashmërisë mes dy skuadrave është palmaresi; Vllaznia me 9 dhe Skënderbeu i Korçës me 8 janë dy ekipet e futbollit në Shqipëri që ndjekin 3-shen e kryeqytetit në numër kampionatesh të fituar. Tjetër factor ngjashmërie vlen të përmendet dhe sezoni i sapombyllur, Vllaznia e mbylli kampionatin si surprizë e bukur duke pasur parasysh merkaton që nuk ishte më e bujshmja dhe erdhi si një ekip jofavorit në fillim, poashtu dhe Skënderbeu i kuotuar për të rënë e nisi si ekipi më i cunguar në fillim por ia doli të mbijetojë madje pa nevojën e një ndeshjeje shtesë.
Të kundërtat
Në aspektin e prespektivave dhe këndvështrimeve du skuadrat janë të ndeyshme totalisht. Skënderbeu vjen nga një goditje tejet e rëndë që ka marrë nga UEFA që i ka ulur moralin përtokë dhe është i penalizuar për Europën. Nuk është më një klub tërheqës për emrat e konfirmuar dhe i duhet të bëjë me lojtarët që ka. Objektiv mbetet lufta për të kapur mesin e tabelës ose ujërat e qetë për të mos rënë në të parën. Vllaznia nga ana tjetër karakterizohet nga morali më i lartë që ka pasur prej kohësh. Shkodranët kanë mbyllur një sezon tepër të mirë ku për pak arritën titullin e 10-të kampion, kanë në projekt një tjetër sezon ndoshta edhe më të sukseshëm pasi pranë klubit ka dhe një mbështetje të vazhdueshme financiare. Dhe n.q.s. korçarët janë të plagosur, Vllaznia sapo është zgjuar nga gjumi dhe e ardhmja duket e ndritur.
Në mbrëmje do të mësohen kështu fituesit e Kupës së Shqipërisë për këtë edicion, të cilët do të marrin 50 milion lekë nga FSHF-ja./Tirana Today
