Pasditen e së hënës është konfirmuar skuadra napolitane që do të udhëtojë në Milano për çerekfinalen e Coppa Italia ndaj Milan që do të zhvillohet të martën. Të shtunën e kaluar dy skuadra u ndeshën në javën e 21-të të Serie A dhe sfida përfundoi me rezultatin e barabartë 0-0.
Trajneri Carlo Ancelotti ka zbuluar listën e të grumbulluarve, ku bie në sy mungesa e lojtarit të përfaqësueses kombëtare Elseid Hysaj. Kthehet në ekip Allan, i cili nuk u grumbullua për ndeshjen e kampionatit kundër kuqezinjve dhe për të cilin PSG ishte gati të paguante rreth 100 milionë euro.
Të grumbulluari e Ancelotti-t për ndeshjen e kupës ndaj Milan-it:
Portierë: Meret, Ospina, Karnezis
Mbrojtës: Malcuit, Maksimovic, Koulibaly, Luperto, Ghoulam, Mario Rui.
Mesfushorë: Diawara, Hamsik, Fabian Ruiz, Allan, Zielinski, Ounas.
Sulmues: Mertens, Insigne, Milik, Callejon, Gaetano.
