Fraca është shpallur kampione botë në stadiumin “Luzhniki” të Moskës, pasi mposhti Kroacinë në finalen e madhe 4-2. Një finale spektakolare me shumë gola dhe me francezët që u treguan më të saktë dhe treguan një stil loje që Deschamps u kritikua në fillim.
Pas Botërorit të 1998-ës, Gjelat rikthehen në majën e botës 20 vite më pas. Në një stadium të tejmbushur, ndeshja fillon me një autogol të shënuar nga Mandzukic, duke u futur në historinë e finaleve. Hera e parë që nga finalja e 1970-ës që fituesi shënon katër gola, si dhe VAR-i që vendosi penalltinë e shndërruar në gol nga Griezmann.
Kroacia e nis ndeshjen mjaft mirë, duke krijuar shumë presion në zonën e Lloris, por pasi Grizmann fiton një goditje dënimi me mjaft dinakëri, vjen edhe autogoli i Griezmann.
Reagimi i kroatëve është i menjëhershëm, është Perisic që shënon një gol mjaft të bukur nga hyrja e zonës.
Pak minuta më pas është sërish Perisic protagonist me një prekje të topit me dorë në zonë dhe arbitri me ndihmën e VAR akordon penallti dhe Griezmann e kthen në gol.
Pas pushimit vijnë dy gola të shpejtë të Pogba dhe Mbappe që vulosin fitoren për Bles Bleues. Por një gabim i Lloris lejon Mandzukic të ringjallë shpresat e ballkanasve të cilët ushtrojnë presion me energjitë e mbetura për të bërë të pamundurën.
