Përpjekjet e presidentit të FIFA, Gianni Infantino për ta zgjeruar numrin e pjesëmarrësve për ‘Kupën e Botës 2022’ në 48 skuadra, duket se kanë dështuar.
Institucioni më i lartë i futbollit botëror, FIFA, ka vendosur që numri i pjesëmarrësve në ‘Katar 2022’ të jetë edhe këtë vit 32.
Shkak i kësaj vendimmarrjeje duket se është koha e kufizuar për ta zgjeruar garën për Kupën e Botës. Kërkesa e presidentit Infantino, pra që kampionati të zhvillohej me 16 skuadra më shumë, do ta zgjeronte zhvillimin e këtij kompeticioni edhe përtej Katarit.
Kjo do të çonte që një pjesë e ndeshjeve të luheshin në shtetet fqinje si Arabia Saudite apo Emiratet e Bashkuara Arabe.
Por në vitin 2017 Katari i ka prishur marrëdhëniet me këto shtete fqinje duke i bllokuar kufijtë e saj me ta.
Sipas Infantino, shpërndarja e disa prej ndeshjeve të ‘Kupës së Botës’ në këto shtete do të sillte ‘ndërtimin e urave’ midis këtyre shteteve, pasi siç shprehet ai ‘futbolli bën mrekulli’.
Katar 2022 do jetë e para Kupë e Botës, e cila do të zhvillohet tërësisht në Azi, që prej vitit 2002, kur u zhvillua në Korenë e Jugut dhe Japoni.
