Rrugëtimi i Argjentinës në Copa America2021 fillon në Rio de Janeiro teksa ata përballen sonte me Kilin në një ndeshje të vështirë hapëse në Grupin A.
Brazili po zhvillon Kupën pasi CONMEBOL në mënyrë kontroverse hoqi Argjentinën dhe Kolumbinë si vende bashkë-organizatore për shkak të çështjeve të tyre përkatëse politike dhe covid-19.
Pavarësisht se ishte një nga vendet më të prekura nga kriza shëndetësore e koronavirusit, Brazilit i është dhënë detyra të presë ngjarjen kryesore të këtij viti, e cila u shty për një vit për shkak të covid-19 ashtu si dhe Europiani.
Dy herë finalist humbës në 2015 dhe 2016 – të dyja herët kundër Kilit – argjentinasit përfunduan të tretët në turne dy vjet më parë pasi humbën në gjysmëfinale ndaj Brazilit.
Sonte Argjentina do të kërkojë një fitore hakmarrjeje, prestigji por dhe një fitore që do t’i rriste reputacionin momental në turne.
Formacionet e mundshme:
Argjentina: Martinez; Montiel, Romero, Otamendi, Acuna; Lo Celso, Paredes, De Paul; Messi, Martinez, Di Maria
Kili: Bravo; Isla, Medel, Maripan, Mena; Pulgar, Vidal, Aranguiz, Meneses; Vargas, Sanchez
