Nga Kastriot Dervishi/ Me rastin e sjelljes në atdhe të eshtrave të MiD’hat Frashërit u pa një sëkëlldi e madhe komuniste.
Përpjekje e madhe se kush e kush të ishte kundër. Po kujtohuni njëherë cilin kishte udhëheqës kjo “lufta” dhe a mendoni se e donin Shqipërinë më shumë se MiD’hat Frashëri, Abaz Kupi?
Udhëheqës i “luftës” në komunistëve ishin dy jugosllavë mediokër serbo-malazezë nga komiteti krahinor i Kosovës (pra nga pakicat).
Këta formuan partinë komuniste si dhe formacionet luftarake komuniste. Në planin politik, udhëheqës ishte Miladin Popoviçi, ndërsa në planin ushtarak ishte Dushan Mugosha.
Ky i fundit, mbolli edhe frymën terroriste në radhët e komunistëve të Shqipërisë, d.m.th. injektimin e vrasjes dhe përçarjes.
Të dy jugosllavët qëndruan në Shqipëri në vitet 1941-1944. Vendimmarrja e tyre materializohej nëpërmjet Enver Hoxhës.
Miladin Popoviçi u largua në shtator 1944. Vendin e tij e zuri Velimir Stojniçi, një nivel i lartë ku e ku me Popoviçin e Mugoshën.
Ai përgatiti komunistët drejt pushtetit. Çuditërisht, komunistët, nuk i përkujtojnë fare udhëheqësit e tyre jugosllavë të luftës. As te magazina e rraqeve të tyre, nuk figuron ndonjë foto e tyre./55news/
