Burri i motrës së kryeministrit të Kosovës, Liridon Dërvishaj do të menaxhojë paratë e Fondit të Sigurimeve Shëndetësore.
Ky institucion do të ketë hyrjet më të mëdha në Kosovë pas Doganës e Administratës Tatimore.
Kështu, 27-vjeçari Dërvishaj ka marrë para pak ditësh postin e drejtorit të Departamentit të Financave dhe Shërbimeve të Përgjithshme në kuadër të Agjencisë për Financimin e Shëndetësisë (AFSH).
Agjencia është në kuadër të Ministrisë së Shëndetësisë. Me nisjen e mbledhjes se fondet për Sigurime Shëndetësore, Agjencia do të shndërrohet në fond të pavarur dhe pritet të bëhet institucioni i tretë me i rëndësishëm financiar.
