Kultura e selfit: Çfarë domethënie ka zgjedhja e këndit të kamerës

Nga Alessandro Soranzo “The Conversation”

 

Gjatë dekadës së kaluar, selfit janë shndërruar në një shtyllë kryesore të kulturës popullore. Nëse hashtagu #selfi u shfaq për herë të parë në vitin 2004, ishte dalja e iPhone 4 në vitin 2010, ai që bëri virale foto të tilla. Tre vjet më vonë, fjalori anglisht i Oksfordit e cilësoi “selfie” si fjalën e vitit.

Ne i përdorim selfit për synime të ndryshme, duke filluar nga ato sociale deri tek ato profesionale. Sipas një sondazhi të vitit 2018, 82 për qind e të rriturve amerikanë nën 34 vjeç kishin postuar të paktën një selfie në mediat sociale.

Kur pandemia pezulloi tubimet publike, një industri e tërë iu kushtua gjenerimit të ngjarjeve selfi.Duke pasur parasysh këtë shtrirje dhe popullaritet të jashtëzakonshëm, 4 vitet e fundit kjo dukuri ka nisur të studiohet nga shkenca konjitive.

Siç kanë treguar studimet e fundit, përfshirë një të fundit që drejtova vetë, mënyra se si bëjmë selfi – dhe këndet specifike që zgjedhim për kamerën – ndryshojnë në varësi të asaj që ne synojmë të bëjmë me to. Që nga vitet 1970 ne e kemi ditur që në portretet historike në Perëndim, artistët preferonin të përshkruanin anën e majtë të subjekteve të tyre, veçanërisht kur pikturonin gra.

Një studim i vitit 2017 tregoi se kur bëhet fjalë për të bërë selfi, njerëzit priren të zgjedhin një kënd të tillë në mënyrë që të fotografojnë edhe anën e tyre të majtë. Gjithashtu, janë zbuluar modele se si i pozicionojnë kamerat e tyre vertikalisht personat që bëjnë selfi.

Një studim tjetër i selfive i vitit 2017 i postuar në Tinder, zbuloi se kur kërkojnë të lidhen

me dikë, sidomos gratë zgjedhin t’i bëjnë selfiet e tyre nga lart, ndërsa burrat nga poshtë. Unë dhe kolegët e mi kemi parë se si kjo mund të ndryshojë në një platformë tjetër.

Ne analizuam 2.000 selfi të postuara në një mostër të rastësishme prej 200 llogarish të ndryshme në Instagram – pra 10 selfi për person. Për secilën prej tyre, ne regjistruam gjininë e përdoruesit siç dukej nga fotografia, dhe nëse ata e realizuan selfin e tyre nga lart, nga poshtë apo përballë. Ne zbuluam se të gjithë përdoruesit – pavarësisht nga gjinia – kishin tendencë ta poziciononin mbi kokë kamerën e celularit të tyre.

Këto ndryshime në pozicionimin e kameras krijojnë lloje të ndryshme selfi. Pse ndodh kjo? Shumica e udhëzuesve “Si të bëni selfi-n më të mirë”, theksojnë se fotografimi i fytyrës

në një kënd të caktuar nga lart ju bën të dukeni më mirë.

Kjo vërtetohet nga një studim mbi selfit në Tinder, ku autorët përcaktuan se burrat që

bënin selfi nga poshtë po përpiqeshin që të dukeshin më të gjatë, dhe për këtë arsye më mashkullorë. Ndërkohë, gratë që bënin selfi nga lart,synonin të arrinin të kundërtën, duke u dukur më të shkurtra dhe më femërore.

Në një platformë tjetër, një studim ka analizuar prirjen e hershme në pozat për selfi, dhe pse disa kishin të bënin me pozicionimin dhe kompozimin e fytyrës në një mënyrë të tillë që të dukeshin më elegantë dhe më të brishtë, tipare këto që barazohen me të qenit më tërheqës.

Në përpjekjen për të shpjeguar se përse një piktor i famshëm, mund të ketë preferuar dikur të pikturojë anën e majtë të fytyrës së modelit të tyre, studiuesit hulumtuan disa mundësi. Këto varionin nga fakti nëse artisti punonte me të majtën apo të djathtën, apo nëse ka pasur një epërsi në anën e majtë sa i përket aftësive konjitive.

Me gjithë të dhënat ishin jo shtruese,autorët e studimit sugjeruan se artistët mund të kenë preferuar anën e majtë pasi ajo u është dukur më tërheqëse se e djathta. Të dhënat shkencore më të fundit, na japin një arsye më të qartë sepse mund të ndodhë kjo gjë.

Ana e majtë e fytyrës kontrollohet nga hemisfera e djathtë e trurit, e cila nga ana tjetër është përgjegjëse për komunikimin e emocioneve. Kësisoj, ana e majtë është më shprehëse nga ana emocionale.

Gjithashtu studiuesit kanë zbuluar se ne priremi që ta perceptojmë veten si më tërheqës

dhe të pëlqyeshëm në selfit tona, sesa në fotot e bëra nga njerëz të tjerë. Shkalla e ekspresivitetit që kërkojmë, varet nga ajo që kemi ndërmend të komunikojmë, dhe

platforma në të cilën po komunikojmë.

Duke treguar faqen e majtë – ose duke bërë një selfi nga lart – ne dukemi më ekspresivë. Ndërkohë vendosja e kamerës përpara, prodhon një pamje më neutrale.

burimi: https://theconversation.com/selfie-culture-what-your-choice-of-camera-angle-says-about-you-157449

Përshtati Tirana Today